話 說 早 幾 日 天 寒 地 凍 ，我 如 常 地 在 臨 睡 之 前 將 一 個 3D model 餵 給 我 的 Anycubic Kossel Linear Plus 3D Printer，由 得 佢 自 己 打 通 宵 。但 係 點 知 道 在 第 二 朝 起 身 的 時 候 ，發 現 模 型 只 是 完 成 了 一 半 ，而 Anycubic 3D Printer 係 無 左 電 。佢 無 任 何 燈 ，打 印 頭 也 只 是 突 兀 地 停 在 一 半 的 位 置 。
關 了 電 源 再 重 開 ，又 有 翻 電 ，有 點 奇 怪 。經 過 連 續 幾 日 的 測 試 ，發 現 Anycubic 3D Printer 係 會 失 驚 無 神 自 動 關 機 ，可 能 在 開 機 後 幾 分 鐘 ，也 可 能 在 開 始 打 印 之 後 一 兩 個 鐘 ，無 乜 pattern 可 言 。
其 實 這 些 火 牛 都 內 建 了 幾 種 保 護 模 式 ，通 常 包 括 負 載 、電 壓 、溫 度 ，如 果 超 過 了 臨 界 值 ，火 牛 就 會 自 動 關 機 ，而 當 數 據 回 落 到 正 常 值 ，火 牛 又 會 恢 復 正 常 。我 懷 疑 可 能 是 其 中 一 種 保 護 唔 正 常 地 啟 動 了 。另 一 種 可 能 是 ，火 牛 本 身 就 已 經 唔 係 好 夠 力 ，這 幾 天 特 別 冷 ，加 熱 heatbed 和 hotend 比 平 時 要 消 耗 更 多 能 量 ，所 以 就 trigger 左 過 載 保 護 。
為 什 麼 我 好 肯 定 是 火 牛 的 問 題 呢 ？因 為 當 我 換 上 另 一 個 火 牛 ( 從 另 一 台 3D printer 借 來 的 ，電 壓 一 樣 ，功 率 也 一 樣 ，真 係 好 彩 )，連 續 打 印 了 6 個 小 時 都 完 全 沒 問 題 。雖 說 我 的 Anycubic 也 有 點 小 改 動 ，但 主 要 用 電 的 部 分 全 都 是 原 廠 的 ，原 廠 的 controller board，原 廠 的 stepper motor，原 廠 的 heat bed，原 廠 的 打 印 噴 頭 。我 就 是 加 裝 了 外 置 的 熱 床 控 制 模 組 ，和 一 個 照 明 用 的 LED 燈 ，其 實 都 唔 會 用 多 幾 多 電 。
熱 床 加 熱 控 制 模 組
那 沒 辦 法 ，火 牛 壞 了 ，就 只 好 去 買 個 新 的 火 牛 吧 ( 其 實 未 過 一 年 ，我 應 該 要 去 問 問 淘 寶 店 的 ，哈 哈 ，不 過 我 自 己 也 有 改 機 ，大 概 已 經 不 在 保 養 範 圍 了 )。Anycubic Kossel 用 的 火 牛 的 輸 出 是 12V 25A ( 12 x 25 = 300W )，是 一 個 沒 牌 子 的 火 牛 。去 鴨 街 逛 了 一 轉 ，都 要 成 二 百 幾 蚊 。把 心 一 橫 ，先 上 淘 寶 看 看 吧 。
Anycubic 原 廠 火 牛
3D 打 印 機 用 的 火 牛 多 數 是 switched-mode power supply，據 說 轉 換 率 比 較 高 ，會 比 較 省 電 。在 淘 寶 switched-mode power supply 叫 做 「開 關 電 源 」，十 分 奇 怪 的 翻 譯 。在 香 港 比 較 正 式 的 譯 法 是 「交 換 式 電 源 供 應 器 」。不 過 我 們 入 鄉 隨 俗 ，還 是 搜 尋 開 關 電 源 吧 ，這 會 得 到 比 較 正 常 的 搜 尋 結 果 。
如 果 大 家 的 搜 尋 結 果 跟 我 差 不 多 ，就 應 該 可 以 看 到 很 多 台 灣 明 緯 的 開 關 電 源 。因 為 台 灣 明 緯 就 是 世 界 上 開 關 電 源 的 一 個 大 廠 ，世 界 各 地 都 有 賣 的 ，包 括 鴨 街 。明 緯 的 英 文 名 字 改 得 真 好 ，叫 做 mean well。
值 得 一 提 的 是 ，Creality 3D 最 新 推 出 的 3D Printer，例 如 ender 3 pro、CR-X 等 ，跟 機 的 就 是 明 緯 電 源 ，真 係 要 讚 一 讚 。其 實 Anycubic 也 好 應 該 學 一 學 ，改 用 明 緯 的 火 牛 ，也 可 以 是 一 個 賣 點 ，呵 呵 。
不 過 淘 寶 上 賣 台 灣 明 緯 的 店 真 是 多 不 勝 數 ，間 間 都 話 係 正 品 ，裡 面 會 不 會 夾 雜 了 一 些 假 貨 呢 ？我 也 不 好 說 。不 過 淘 寶 也 就 是 多 看 看 銷 量 ，多 看 看 評 價 ，其 實 也 不 會 那 麼 容 易 中 招 的 。
台 灣 明 緯 沒 有 12V 25A 的 火 牛 ，但 買 火 牛 其 實 也 不 用 買 輸 出 一 模 一 樣 的 。首 先 最 重 要 是 輸 出 電 壓 必 須 要 一 模 一 樣 ，我 們 原 來 的 火 牛 是 12V，那 我 們 就 必 須 買 12V 的 火 牛 。而 那 個 火 數 ，又 或 者 電 流 ，只 要 和 原 來 一 樣 或 者 比 原 來 大 就 好 了 。
台 灣 明 緯 300W 左 右 的 開 關 電 源 價 錢 在 ￥150 – ￥250 人 仔 之 間 ，計 埋 集 運 費 ，都 唔 一 定 平 過 香 港 幾 多 。
而 如 果 你 唔 怕 用 大 陸 牌 子 的 話 ，價 錢 就 可 以 平 很 多 了 ，300W 的 售 價 大 概 是 ￥50 蚊 人 仔 咁 上 下 ，在 鴨 街 很 多 電 源 其 實 都 是 這 種 貨 色 。
例 如 上 面 這 家 「豐 源 電 源 」，我 也 買 過 兩 次 細 火 數 的 ，是 給 我 的 12V LED 燈 帶 用 的 。它 們 的 電 源 也 一 樣 寫 明 有 過 熱 保 護 、過 載 保 護 、過 壓 保 護 之 類 。
如 果 怕 雜 牌 電 源 的 火 數 不 足 ，我 自 己 的 習 慣 是 買 火 數 大 一 點 的 火 牛 。例 如 Anycubic 跟 機 的 是 300W，我 就 買 夠 360W，甚 至 500W 的 ，保 證 有 足 夠 的 功 率 。
12V 40A 500W 火 牛
其 實 上 面 兩 款 豐 源 的 火 牛 ，價 錢 也 只 是 相 差 十 幾 蚊 ( ￥40 和 ￥54 )。我 這 次 就 買 了 兩 個 500W ( 12V 40A ) 的 ，索 性 連 另 一 台 3D Printer 的 火 牛 都 換 埋 ( 另 一 台 3D printer 有 兩 個 打 印 噴 頭 ，熱 床 也 更 大 ，用 電 量 應 該 比 Anycubic 多 得 多 )。
火 牛 大 小 各 有 不 同
火 牛 是 買 回 來 了 ，但 安 裝 會 是 另 一 個 問 題 。因 為 其 實 每 個 火 牛 的 大 小 也 是 有 差 別 的 ，而 每 個 火 牛 的 螺 絲 孔 也 開 在 不 同 的 地 方 。Anycubic 原 廠 的 火 牛 蓋 是 全 金 屬 的 ，我 就 覺 得 簡 潔 之 餘 也 十 分 實 用 ，是 我 喜 歡 的 設 計 。不 過 可 惜 我 新 買 的 電 源 比 原 廠 的 寬 了 5mm，實 在 是 不 可 能 塞 得 進 去 。
開 關 可 以 重 用
不 過 還 好 ，那 個 帶 保 險 絲 的 開 關 還 是 可 以 重 用 的 。在 thingiverse.com 隨 便 找 了 一 款 電 源 蓋 ，稍 為 修 改 一 下 走 線 的 孔 和 螺 絲 孔 的 位 置 就 好 了 。
因 為 螺 絲 孔 的 位 置 不 同 ，原 來 的 金 屬 支 架 也 不 能 用 了 。再 上 thingiverse.com 隨 便 找 一 個 ，自 己 再 做 點 小 修 改 就 用 得 。
安 裝 好 之 後 ，電 線 的 開 口 朝 下 ，和 原 來 有 點 不 一 樣 。
換 完 就 馬 上 試 打 幾 件 野 ，都 無 問 題 ，更 換 電 源 成 功 ！五 十 幾 蚊 就 解 決 了 問 題 ，真 係 十 分 化 算 。
更 換 了 大 火 數 的 大 陸 火 牛 之 後 ，最 明 顯 的 分 別 ，就 是 用 原 廠 的 火 牛 時 ，我 自 己 加 的 12V LED 燈 在 打 印 時 會 時 不 時 變 暗 ，就 好 似 唔 夠 電 咁 ，而 換 左 新 火 牛 之 後 ，這 個 現 像 就 消 失 左 ，LED 燈 再 唔 會 變 暗 。
嘿 ，唔 通 Anycubic 的 原 廠 火 牛 真 係 咁 差 ？
張先生，男性，肖龍。